Жыл сайынғы "білім беру саласында зерттеулер жүргізуге арналған грант" білім беру саласында зерттеулер жүргізуге қызығушылық танытқан, Қазақстанда және әлемде білім беруді дамытуға күш-жігерін салған жастарды қолдау мақсатында құрылды.

Жыл сайынғы грант 2017 жылы тағайындалды. Әлеуметтік ғылымдар колледжінде бакалавриат және магистратура бағдарламаларында оқитын КИМЭП (1992 жылы Қазақстан Республикасының Президенті Нұрсұлтан Назарбаевтың Жарлығымен құрылған Солтүстік Америка стандарттары бойынша жұмыс істейтін Орталық Азиядағы бірінші және ең ірі университет) студенттері арасында жарияланды.
​
Осы грантты алу жынысына, жасына, туған жеріне, оқу бағдарламасына және т.б. байланысты емес, жалғыз критерий 1) білім беру саласындағы ізденушілік 2) білім беру саласына еңбек сіңіруге деген талпыныс.

Жанна Гарвард университетінің Халықаралық білім беру саясатына маманданған білім
магистрі дәрежесін алды. Ол сондай-ақ КИМЭП-тің мемлекеттік басқару магистрі
дәрежесіне ие. Оқу орны Орталық Азиядағы ең үздік университеттердің бірі, ол аймақта
бірінші болып Солтүстік Америка академиялық стандарттары бойынша оқытуды бастады.
Жаннаның ғылыми қызығушылығы білім беру саясатын бағалау мен талдауды, білім беру
реформаларын бақылау мен бағалауды, салыстырмалы білім беруді қамтиды.
​
Жанна жиырма жылға жуық білім және білім беру саясаты саласында жұмыс істейді. Ол
еліміздегі білім беру мәселелеріне арналған “The Almaty Herald” басылымында
жарияланған "Қазақстандағы білім" атты бірінші апталық баған негізін қалаушы және
авторы болды.
​
Ол Қазақстан Республикасының Үкіметі мен Ұлттық Банкі жанындағы Ұлттық талдау
орталығында адами капиталды дамыту департаментінің маманы ретінде білім беру
мәселелері бойынша зерттеу жобаларымен жұмыс істеді. Қазақстан Республикасының
Үкіметі мен білім және ғылым министрлігіне адами капиталды дамыту және білім беру
саясатын дамыту бойынша шешімдер қабылдауда талдамалық қолдау көрсетті. Бұл
жобалар Қазақстанда мынадай білім беру саясаттары мен бағдарламаларын әзірлеуге
бағытталған: Мектепке дейінгі білім беру, оқытудың 12 жылдық моделі, еңбек нарығының
талаптарын айқындау әдіснамасы, білім беру сапасын қамтамасыз ету әдістерін жетілдіру
және басқалар. Жанна “Қазақстан Республикасында білім беруді дамытудың 2015 жылға
дейінгі мемлекеттік бағдарламасы” және “Қазақстан Республикасында білім беру
саясатын дамытудың 2020 жылға дейінгі стратегиясы” сияқты стратегиялық мемлекеттік
құжаттарды дамытуға қатысты.
​
2014 жылы Жанна жергілікті және халықаралық сарапшылар командасымен бірлесіп
жүзеге асырылған Қазақстандағы алғашқы “білім беру реформаларының мониторингі
және оны бағалау” ұлттық жобасын ұсынды. 2013-2014 жылдары Назарбаев
университетінің маманы ретінде “2015-2020 жылдарға арналған Қазақстандағы білім беру
реформалары үшін стратегиялық бағыттарды әзірлеу” жол картасын әзірлеуге қатысты.

Орталықтың жергілікті зерттеу әлеуетін дамытудағы маңызды рөлдерінің бірі - білім беру
саласында жұмыс істейтін мамандар үшін тренингтер өткізу.

Біз білім беру саясатын бағалау және талдау үшін қажетті дағды мен құзыретті дамытуға бағытталған тренингтердің нақты спектрін ұйымдастыруды және өткізуді жоспарлап отырмыз. Бұл тренингтерге білім беру саясатын талдауға арналған статистика, сыни ойлау дағдыларын дамыту, деректердің ауқымды көлемімен жұмыс істеу (big data), саясатқа шолулар жазу (policy briefs) және басқалар енеді.
​
Біз жоғарыда көрсетілген тақырыптар бойынша тренингтер ұйымдастыруға қатысты өзіміздің халықаралық серіктестерімізбен ынтымақтастық орнатпақпыз. Сондай-ақ біздің серіктес ұйымдарымыздан да, осы салалардағы тәуелсіз сарапшылар арасынан да әлемдегі үздік мамандарды шақыруды көздейміз.

Орталық Үкімет пен Білім және ғылым министрлігіне мынадай бағыттар бойынша қолдау көрсету арқылы Қазақстан Республикасында білім беру зерттеулерін ілгерілетеді:

• шешім қабылдау кезінде талдау мен дәлелдеуге негізделген сапалы зерттеумен қамтамасыз ету;

• білім бағдарламалары мен білім саясатын бағалау консалтингі;
• білім саласын құрастыру негізі ретінде мәліметтерді жинау және талдау;
• саясатқа шолуды әзірлеу (policy briefs).

Орталық білім беру саясатын дамытуда зерттеу мен талдаудың басты рөлін алға жылжытуда өз әлеуетін толық пайдалануға ниетті: саясаттың негізі ретіндегі рөлді ілгерілету.

Орталық Қазақстанның білім беру секторында жұмыс істейтін мамандардың дерекқорын әзірлейді және тұрақты түрде жаңартып отырады. Бұл тәуелсіз зерттеушілер де, қазіргі уақытта түрлі ұйымдарда жұмыс істейтін мамандар да болуы мүмкін.
​
Бұл мәліметтер базасында сарапшылардың тәжірибесі мен дағдылары, біліктілігі, білімі, кәсіби деңгейі және өзге дағдылары көрсетіледі. Мәліметтер базасы Үкімет, Білім және ғылым министрлігі және басқа ұйымдар жүзеге асыратын әртүрлі білім беру жобалары мен бағдарламалары үшін мамандар таңдауда пайдалы болады.

Орталықта “Менің даусым” пікірталас платформасын құру барлық стейкхолдерлер топтарының қатысуы білім беру саясатын әзірлеуде маңызды болып табылатынын түсінуге негізделген. Білім беру сынды салада саясатты әзірлеу кезінде барлық стейкхолдерлердің – кәсіби қоғамдастықтардың, үкіметтік емес ұйымдардың, оқушылар ата-аналарының, студенттердің, мектеп пен университет әкімшілігінің және басқалардың пікірі назарға алынуы тиіс. Сондықтан біз Орталық жүргізетін зерттеулерге стейкхолдерлердің барлық топтары тартылуын қолдаймыз.
​
“Менің даусым” - бұл білім беру мәселелерін талқылауға арналған, өзекті, қоғамдық резонанс тудыратын, кәсіпқойлар мен қоғам үшін маңызды болып табылатын кәсіби пікірталас алаңы.
​
“Менің даусымның” ресми пікірсайысы тоқсан сайын – жылына төрт рет өтеді деп болжап отырмыз. Бұл платформа білім беру секторында жұмыс істейтін зерттеушілерді, сондай-ақ барлық мүдделі топтар өкілдерін біріктіреді. Кәсіби қарым-қатынас пен нетворкинг үшін негіз болады.
​
Осындай платформаны құру арқылы Орталық үлкен инклюзивтілікті және стейкхолдерлердің барлық  топтарын білім беру саясатын әзірлеуге тартуды көздейді.

Біздің міндетіміз - стейкхолдерлердің барлық тобының көзқарасын білу.

Біз білім берудегі зерттеулермен қатар зерттеу нәтижелерін тарату да маңызды деп санаймыз.

Орталық өз жұмысының нәтижелерін тұрақты түрде жариялап, оларды стэйколдерлердің топтарына ұсынады: Үкіметке және Қазақстан Республикасының Білім және ғылым министрлігіне, университеттерге, мектептерге, халықаралық және жергілікті ұйымдарға, үкіметтік емес агенттіктерге және т. б.
​
Орталық сондай-ақ білім беру саласында жұмыс істейтін сарапшылардың зерттеулері мен талдаулары жарияланатын “Education Research” журналын шығаруды жоспарлап отыр.

Білім беру саясатын әзірлеу мен талдау түрлі салаларды (экономика, мемлекеттік саясат, мемлекеттік басқару) қамтиды. Сондықтан білім берудегі зерттеулерімізді жүргізуде пәнаралық тәсілге негізделген жаңа тұжырымдаманы қолданамыз. Зерттеулерімізді жүргізу үшін пәнаралық сарапшыларды шақырамыз және талдаудың жаңа әдістерін пайдаланамыз.
​
Біз қазіргі уақытта білім саласындағы зерттеуші үшін тек білім беру саласының маманы болу жеткіліксіз деп санаймыз. Бүгінгі таңда білім беру саласындағы зерттеу қызметі әлдеқайда ауқымды кәсіби дағдылар мен жеке қасиеттерді қажет етеді.
​
Біріншіден, зерттеуші білім берудің нақты бір секторында кәсіптік қызығушылықпен шектелмеуі тиіс. Ол бастауыш, орта немесе техникалық және кәсіптік білім (ТжКБ) болсын, интернационалдандыру, тең емес қолжетімділік мәселелері және басқа да кез келген бағыт бойынша талдау жүргізе білуі тиіс. Екіншіден, қазіргі әлемде білім беру саласындағы зерттеуші тез үйреніп, ақпаратты тиімді және мақсатты түрде қолдана білуі керек. Бұдан бөлек, білім беру саласындағы сарапшы келіссөздерді жиі жүргізе білуі қажет. Өйткені Орталықта ресми үкіметтік ұйымдармен өте тығыз жұмыс істеуді жоспарлап отырмыз. Ал бұл тиімді келіссөздер жүргізу дағдысы мен кей жағдайда сендіру қабілетін қажет етеді.

Профессор Джон Росслин Кларк Гарвард университетінде бакалавр дәрежесін алды
(1964), ол Таяу Шығыстың әлеуметтік антропологиясын зерттеген. Доктор Кларк содан
кейін Мичиган университетінің мәдени география магистрі (1970) және Мичиган
университетінің "Таяу Шығыстың мәдени және қалалық географиясы" мамандығы
бойынша докторлық дәрежесін алды (1974). Доктор Кларк Гарвард университеті,
Колумбия университеті, Джорджтаун және Лос-Анджелестегі Калифорния университеті
сияқты әлемдегі үздік жоғары оқу орындарында жұмыс істеді.

Профессор Кларктың Орталық Азия аймағында білім беру саласында көп жылдық кәсіби
тәжірибесі бар, ол посткеңестік елдердегі ішкі мәдениет пен жұмыс ерекшелігін жақсы
біледі.
​
Доктор Кларк бұл аймақта жиырма жылдан астам уақыт бұрын Ош мемлекеттік
университетінде Фулбрайт профессоры ретінде жұмыс істей бастады. Содан кейін доктор
Кларк Қырғызстанда Америка университетін (қазір - AUCA) құру бойынша жұмыс істеді
және осы университеттің алғашқы президенті болды. Бұдан соң Джон Кларк КИМЭП-те
(1992 жылы Қазақстан Республикасының Президенті Нұрсұлтан Назарбаевтың
Жарлығымен құрылған Солтүстік Америка стандарттары бойынша жұмыс істейтін
Орталық Азиядағы бірінші және ірі университет) студенттео істері жөніндегі декан болып
жұмыс істеді. Декан қызметінде профессор Кларк білім алушылардың мәселелерімен
айналысты және алғаш рет мұқтаж студенттерге қаржылық көмек тұжырымдамасын
енгізді. Кейінірек доктор Кларк тарих профессоры және КИМЭП-тегі әлеуметтік
ғылымдар кафедрасының деканы болды.
​
Доктор Кларк Қырғызстан Республикасы Білім министрінің кеңесшісі болды және
Қырғызстан Республикасында жалпы республикалық тестілеуді (ОРТ) әзірлеуде басты рөл
атқарды.
​
2011 жылдан бастап қазіргі уақытқа дейін профессор Джон Кларк Қырғызстанда
орналасқан Орталық Азия Халықаралық университетінің президенті.

Орталық білім беру саясатын талдау және бағалауда жоғары сапалы тәуелсіз сараптама ұсына отырып, білім беру саласындағы кең ауқымды мәселелер бойынша зерттеулер жүргізуге ниетті.
​
“Тәуелсіз сараптама” дегеніміз мүдделі тараптың пікіріне тәуелді емес, объективті, кәсіби көзқарасты білдіреді. Мүдделі тараптар Орталықтың зерттеуіне, зерттеу сапасына, сондай-ақ орталықтың деректері, қорытындылар мен ұсынымдарға әсер етуі мүмкін емес.

Біз өз зерттеулерімізді жүргізу кезінде Орталық ұстанатын мінсіз жоғары кәсіби стандарттарды “Жоғары сапалы сараптама” деген айтамыз.Орталықтың барлық сарапшыларының академиялық базасы мен кәсіби тәжірибесі, сондай-ақ білім беру саясаты, статистика, экономика және басқа да аралас салаларда мықты дайындығы бар. Ұлттық, халықаралық кеңесшілердің білім беру саясатында, тиісінше, ұлттық және әлемдік деңгейде ауқымды кәсіби тәжірибесі бар.